صحتك اولاً

- نوم الرياضيين وحرق الدهون: العلاقة اللي الكل يغفل عنها الكل يركّز على التمارين لساعات طويلة، والقليل يهتم بالنوم والتغذية. مع إن النوم هو المحرّك الأساسي لكل شيء! النوم مهم لـ: تنظيم الشهية بناء العضلات حرق الدهون والسعرات الحرارية ✨ ليش النوم مهم للرياضيين؟ 🔧 الجسم يدخل في وضع الإصلاح والتعافي 💪 يفرز هرمون النمو المهم للبناء العضلي 🧠 الجهاز العصبي يرتاح من الضغط المتواصل 📉 ينخفض هرمون الكورتيزول (المسؤول عن تخزين الدهون عند ارتفاعه) ⏰ كم ساعة نوم يحتاجها الرياضي؟ الرياضي المتمرّس يحتاج من 7 إلى 8 ساعات نوم عميق ومتواصل يوميًا. وأحيانًا القيلولة بين 20–30 دقيقة وسط اليوم تعزز النشاط والتركيز والطاقة ⚡️ 🚫 أعراض قلة النوم وتأثيرها على الجسم 🔻 ضعف في الأداء 🔻 بطء في استشفاء العضلات والجهاز العصبي 🔻 قلة التركيز أثناء التمرين 🔻 خلل في الشهية (إما أكل مفرط أو انسداد شهية) 🔻 خسارة الكتلة العضلية وثبات الوزن 💤 كيف نحسن جودة النوم؟ 🕒 ثبتي وقت النوم والاستيقاظ تدريجيًا 📵 قللي استخدام الأجهزة قبل النوم بساعة ☕️ توقفي...

- 🥗 التغذية قبل التمرين: ايش تاكلي  ؟ ومتى ؟ موضوعنا اليوم عن التغذية: ايش حتاكلين قبل التمرين، واثناءه وبعده؟ وليش هي مهمه أصلاً؟ الغرض الاساسي من التغذيه هو تزويد الجسم بالطاقه اللازمه عشان تقدري تأدي مهامك اليوميه، ولازم تاخذ أهمية كبيرة من اهتمامك. ولو كنتي شخص رياضي، حتاخذ اهتمام أكثر، لأن الرياضيين عندهم: بناء عضلي، تركيز في التمرين، وحرق دهون. 🕒 متى آكل قبل التمرين؟ وايش الهدف من الوجبة؟ قبل التمرين بساعتين إلى ٣ ساعات: وجبة كامله فيها كاربوهيدرات، بروتين، ألياف، ودهون صحية. الهدف: طاقه مستمرة أثناء التمرين. من ٦٠ إلى ٣٠ دقيقة قبل التمرين: وجبة خفيفة وسهلة الهضم تحتوي على كارب سريع. الهدف: طاقه سريعة. 🍽️ أمثلة على وجبات قبل التمرين بساعه إلى ساعتين: ✅ صدر دجاج مشوي + ٨ ملاعق من الأرز أو بطاطس مشويه + خضار مشويه أو مطبوخة بالطريقه المفضله ✅ شريحتين توست أسمر + ٣ بيضات كامله + ربع قطعة أفوكادو ✅ بطاطس مشوية أو بطاطا حلوة + علبة تونه كبيرة + ملعقة زيت زيتون ✅ شوفان مطبوخ بالحليب + موزة كبيرة + حفنة من المكسرات النيّة 🥙 ايش ناكل قبل ا...

- ترطيب الجسم من الداخل وعلاقته بالرياضه اكيد زي مانهتم بالترطيب الخارجي لـ افضل مظهر، ضروري جداً نحافظ على الترطيب الداخلي، فـ حنتكلم عن اعراض الجفاف للرياضيين وكيف نتجنب الجفاف وليش يحصل الجفاف. والترطيب يعني توازن السوائل داخل الجسم عبر التغذية. مسببات الجفاف الاساسيه شرب القهوه بكميات كبيرة: شرب القهوه بكميات كبيره وبالمقابل شرب كمية قليلة من المويا حتسبب جفاف في الجسم، فـ من الضروري الموازنه بين الاثنين. التمرين بشدة عالية: التمارين بشدة عاليه ولفترة ساعه او اكثر بتخلي الجسم يفقد كمية عرق كبيره ومن ضمنها الكترولايتات. التوتر المزمن وعلى فترات طويله: التوتر المزمن بيخلي نمط حياتنا يتلخبط، فـ بالتالي بيصير فيه اهمال بنسبة ملحوظة من ناحية التغذيه وشرب المويا. اعراض الجفاف في التمارين الرياضيه وفي الحياة بشكل عام الدوخة والصداع: ظهور الصداع فجاه والدوخة اثناء التمرين خصوصا عالية الشده مؤشر من جسمك ان فيه نسبة جفاف حصلت، خصوصاً لو كنتي نايمه كويس لكن مع ذلك حصل صداع ودوخة. التشنج العضلي: اثناء التمارين خصوصا عالية الشده والي تحصل فيها تعرق بكميات كبي...